تفسیر السعدی

اردو

( تيسير الكريم الرحمن في تفسير كلام المنان )

عبد الرحمان بن ناصر سعدی (1889ء تا 1956ء) ایک مسلمان عالم دین، فقیہہ، مفسر اور عربی قواعد کے ماہر ہونے کے ساتھ ساتھ شاعری کا بہت شغف رکھتے تھے انہوں نے مختلف موضوعات پر بہت کام کیا۔

• تیسر الکریم الرحمان فی تفسیر کلام المنان۔ تفسیر السعدی کے نام سے مشہور ہے۔ اس کا ادارہ دار السلام کی جانب سے شائع کیا گیا اردو ترجمہ گوگل کتب پر اس کا دستیاب ہے۔ ان کے کا رہائے نمایاں میں سب سے مشہور ان کی یہی تفسیر قرآن ہے۔

زیر نظر تفسیر جدید عربی تفاسیر میں ایک نہایت ممتاز تفسیرہے جوحسب ذیل خصوصیات کى حامل ہے:
1- یہ اسرائیلى اورضعیف روایات سے پاک ہے.
2- اسمیں صرفی ونحوی مباحث اورالفاظ کی لغوی تحقیق سے بالعموم احترازکیا گیا ہے.
3- احادیث کے حوالوں کا بھی اسمیں زیادہ التزام نہیں ہے لیکن اسکے باوجود اسکا منہج سلفی تفاسیرکے عین مطابق ہے.
4- فقہی اختلافات سے بھی بالعموم احترازکیا گیا ہے.
5- بغیرکسی ادعا کے ربط آیات کا ایسا التزام ہے جوتکلف وتعمق سے پاک ہے.
6- نہایت سادہ اورسلیس عربی میں آیت کا مفہوم فاضل مفسرنے اپنی خداداد فہم اورقرآنی بصیرت کی روشنی میں واضح کیا ہے.
7- قصص وواقعات سے عبروحکم کا استنباط بھی خوب اورنہایت عجیب ہے.
8- اسی طرح بعض آیات سے مسائل کا استنباط واستخراج بھی قابل داد ہے.
9- غیرضروری اورلا طائل مباحث سے بھی یہ تفسیرپاک ہے.
10- حشووزائد اورخواہ مخواہ کی طوالت سے اجتناب کیا گیا ہے.
مذکورہ خصوصیات کی وجہ سے یہ تفسیرایک منفرد مقام کی حامل اورعرب علماء میں نہایت مقبول اورمعروف ہے.

تفسیر السعدی

اردو – أردو – URDU